Scientist Edison – વૈજ્ઞાનિક એડિસન

એડીસન મહાન વૈજ્ઞાનિક બન્યા. ગરીબ માના પુત્ર હતા, પરંતુ બાળપણથી જ વૈજ્ઞાનિક બનવાની વાત કર્યા કરતા હતા. માએ વિચાર્યું આને કોઈ વૈજ્ઞાનિક પાસે મૂકી આવું તો તેના મનનું સમાધાન થઈ જાય. વિજ્ઞાન ભણાવવાની શક્તિ તો તેનામાં ન હતી.

તે એડીસનને એક વૈજ્ઞાનિક પાસે લઈ ગઈ. વૈજ્ઞાનિકે એડીસનને એક સાવરણી આપીને પોતાની પ્રયોગશાળાની સફાઈ કરવાનું કહ્યું. એડીસને બધું કામ ખૂબ વ્યવસ્થિત રીતે કર્યું. કયાંય ખૂણેખાંચરે ગંદકી ન રહી અને દરેક ચીજ સાફસૂફ કરીને યથાસ્થાને મૂકી દીધી.

વૈજ્ઞાનિકે આ બધું જોઈને કહ્યું, આ બાળકમાં વૈજ્ઞાનિક બનવાના ગુણ છે. આને મારી પાસે મૂકી જાવ. એ જરૂર વૈજ્ઞાનિક બની જશે. સફાઈ અને વ્યવસ્થાથી મનુષ્યના વ્યક્તિત્વના વિકાસની ક્ષમતા વધે છે અને તેનાથી જ તેના સ્તરની ખબર પણ પડી જાય છે.

Reference: યુગ શક્તિ ગાયત્રી, મેં 2002